Cynllunio eich ymweliad
TREFNWCH EICH TRIP I LYNLLIFON HEDDIW
TREFNWCH EICH TRIP I LYNLLIFON HEDDIW
Dyma ddechrau'r antur
Mae diwrnod yng Nglynllifon yn antur a hanner. Cofiwch gynllunio ymlaen llaw er mwyn gwneud yn fawr o’ch amser – p’un a ydych chi’n ymweld fel teulu, yn dod â’r ci gyda chi, neu’n galw heibio am ginio. Gyda llwybrau, cyfleusterau gwych a wardeiniaid cyfeillgar, dewch i ddarganfod pam mae Parc Glynllifon yw un o atyniadau gorau Gogledd Cymru.
Amseroedd agor
Lleoliad
Ffordd Clynnog, Caernarfon, Gwynedd, LL54 5DY
Cyrraedd
- O fewn 20 munud wrth deithio mewn car o Fangor o gyfeiriad y Gogledd, ac o Borthmadog o gyfeiriad y De.
- Ewch ar hyd yr A499 nes cyrraedd y fynedfa bwa fawr, a fydd ar eich chwith os ydych chi’n teithio tua’r De.
- Gyrrwch drwy’r bwa, a dilyn y troad cyntaf i’r chwith, a fydd yn eich arwain i’r man parcio.
- O’r man parcio gallwch gerdded i’r caffi, i’r siop a thrwy’r gât i’r prif barc.
Mynediad
Dylech archebu’ch tocynnau dydd neu’ch tocynnau tymor ymlaen llaw. Mae disgownt ar gael i blant a phensiynwyr. Ar ôl cyrraedd, gallwch fynd i mewn i’r parc a mwynhau’ch diwrnod. Wrth i chi grwydro, bydd un o’n wardeiniaid yn eich stopio i ddweud helo, ac i edrych ar eich tocynnau.
Parcio
Cewch barcio am ddim fel rhan o bris y tocyn.
Popeth sydd ei angen arnoch chi
Yn y parc mae cyfleusterau toiled a newid babanod ar gael, caffi gyda seddi dan do ac yn yr awyr agored, lle chwarae i’r rhai bach, a siopau bwtîg. Wrth i chi grwydro’r gerddi, fe ddewch chi hefyd ar draws digonedd o feinciau picnic a llecynnau gwair i gael picnic. Dylai ymwelwyr gadw at y llwybrau, a gwisgo esgidiau addas.
Cofiwch stopio yn yr amffitheatr awyr agored i dynnu llun, neu i roi ryw berfformiad bach!
Digwyddiadau ar y gweill
Am ddim
YR INJAN STÊM
26, 27 Mai | 21, 28 Gorff | 4, 18 + 26 Awst | 20 Hyd
Un o’r injans stêm hynaf yn y Deyrnas Unedig sydd dal yn ei safle gwreiddiol, wedi’i hadfer yn grefftus gan Fred Dibnah. Gallwch weld yr injan pan fyddwn ni’n ei thanio.
£1
Gwyl Grefft a Bwyd Glynllifon
16 a 17 Tachwedd
Dewch i fwynhau crefftau ac anrhegion, bwyd a diod wedi’u cynhyrchu’n lleol ynghyd â cherddoriaeth fyw a Groto Siôn Corn yn awyrgylch hudolus Parc Glynllifon.
Cwestiynau Cyffredin am gynllunio trip i Lynllifon
PRYD MAE GLYNLLIFON AR AGOR?
Yn ystod y tymor prysur (1 Ebrill – 30 Medi), dydd Llun i ddydd Sadwrn, rydym ar agor rhwng 10.00 a 17.00, a rhwng 11:00 a 16:00 ar ddydd Sul.
Yn ystod y tymor tawel (1 Hydref – 31 Mawrth), dydd Iau i ddydd Sadwrn, rydym ar agor rhwng 10.00 a 17.00, a rhwng 11:00 a 16:00 ar ddydd Sul.
SUT MAE CAEL MYNEDIAD I'R PARC?
Ewch i mewn drwy’r prif fwa, ac wedyn troi i’r chwith i gyrraedd y man parcio. Mae’r caffi, y lle chwarae a’r siop o fewn tafliad carreg ar droed. Dyma fan cychwyn y parc.
FAINT MAE'N EI GOSTIO?
Prisiau:
Mae tocynnau dydd yn costio £6 i oedolion, £5 i bensiynwyr, a £4 i blant. Dim ond £16 yw tocyn dydd i’r teulu, am 2 oedolyn a 2 blentyn.
Mae tocynnau tymor ar gael hefyd – £30 i oedolion, £20 i blant, a £50 i deuluoedd.
BLE ALLA I BARCIO'R CAR?
Ewch i mewn drwy’r prif fwa, ac wedyn troi i’r chwith i gyrraedd y man parcio. Mae’r caffi, y lle chwarae a’r siop o fewn tafliad carreg ar droed. Dyma fan cychwyn y parc.
ALLA I DDOD Â'R CI GYDA FI?
Wrth gwrs! Mae’n lle gwych i fynd â’ch ci am dro. Cadwch y ci ar dennyn, a chofiwch lanhau unrhyw lanast yn syth wrth grwydro.